របាយការណ៍មួយបានលេចផុសឡើងពីការចោទប្រកាន់ពីបទលួចបន្លំពន្ធស្រស់ជុំវិញតារារបស់ក្លិប Real Madrid កីឡាករ Cristiano Ronaldo។ ជាមួយអាជ្ញាធរអេស្ប៉ាញកំពុងពិចារណាអំពីការដាក់ពាក្យបណ្តឹងនៅពេលខាងមុខលើប្រាក់ពន្ធចំនួន ៨លានអឺរ៉ូក្នុងរូបភាពនៃការលួចបន្លំនៅចន្លោះឆ្នាំ ២០១១ និងឆ្នាំ ២០១៣។ ប្រសិនបើខ្សែបម្រើប្រយុទ្ធស្លាបរួបនេះមិនចេញមុខប្រកាសការបង់ប្រាក់ទាំងអស់លើការបង់ពន្ធដល់ទីភ្នាក់ងារពន្ធទេនោះ គាត់នឹងត្រូវទទួលខុសត្រូវចំពោះការប្រព្រឹត្តបទល្មើសពន្ធចំពោះមុខច្បាប់អេស្ប៉ាញជាក់ជាមិនខាន។
នេះបើយោងតាម Cadena COPE's Partidazo និង Cadena SER's Larguero របស់ព្រះរាជអាជ្ញាបានឱ្យដឹងថា ពេលនេះព្រះរាជអាជ្ញាកំពុងបន្ដស៊ើបរឿងក្តីមួយនេះ។ ចំណែក Ronaldo ដូចជាបានព្យាយាមត្រៀមខ្លួនចេញដោះស្រាយមុនពេលមានការស៊ើបអង្កេតពីស្ថានភាពនេះ ដោយគាត់បានចាប់ផ្តើមទូទាត់នៅលើវិក័យប័ត្រក្នុងឆ្នាំ ២០១៤។
វិធីណាមួយនៅពេលដែលបានអនុម័តចេញដោយចៅក្រម វានឹងត្រូវបានគេរំពឹងថា កីឡាករវ័យ ៣២ឆ្នាំរូបនេះនឹងត្រូវបានគេដាក់ឱ្យចេញសេចក្តីថ្លែងការណ៍មួយដោយបង្ហាញពីបទល្មើសរដ្ឋបាលដែលទំនងជាតម្រូវឱ្យគាត់ទូទាត់ពេញលេញនូវសាច់ប្រាក់ដែលបាត់បូកជាមួយការដាក់ពិន័យជាប្រាក់ផងដែរ។ ប្រសិនបើមិនដូច្នេះទេនោះ គាត់នឹងត្រូវទទួលបទចោទប្រកាន់ពីបទល្មើសព្រហ្មទណ្ឌ។
ហើយបន្ថែមលើសពីនេះគាត់អាចនឹងត្រូវកាត់ទោសឱ្យជាប់ពន្ធនាគាររយៈពេលពី ៤ខែដល់៨ឆ្នាំពីបទលួចបន្លំពន្ធមិនបង់ពន្ធក្នុងឆ្នាំ ២០១១ ២០១២ និងឆ្នាំ ២០១៣។ ទោះជាយ៉ាងណាការកាត់ឱ្យជាប់ទោសក្នុងប្រទេសអេស្ប៉ាញ ជនល្មើសជាប់ទោសលើកដំបូងក្រោម ២៤ខែ ពួកគេអាចនៅក្រៅឃុំបាន៕
ប្រភព៖ Mungkulka
0 comments:
Post a Comment