លោក Leonardo Vitorino គ្រូបង្វឹកជម្រើសជាតិកម្ពុជាមើលឃើញថា តារាបាល់ទាត់ឆ្នើមរបស់កម្ពុជា ចាន់ វឌ្ឍនាកា ជាកីឡាករអាជីព ( Professional Player ) ម្នាក់សម្រាប់ជម្រើសជាតិកម្ពុជា ព្រោះកីឡាកររូបនេះតែងបង្ហាញសមត្ថភាពលេចធ្លោ។
ថ្លែងក្នុងសន្និសីទកាសែតប្រកាសបញ្ជីឈ្មោះកីឡាករ ២៥ នាក់ចុងក្រោយគ្រូបង្វឹកសញ្ជាតិប្រេស៊ីលរូបនេះបានឲ្យដឹងថា វន្ឍនាកា សក្ដិសមជាកីឡាករអាជីពមួយរូប សម្រាប់ជម្រើសជាតិកម្ពុជា។ ខ្សែប្រយុទ្ធវ័យក្មេងរូបនេះមានលក្ខខ័ណ្ឌគ្រប់គ្រាន់ ដែលអាចចាត់ទុកជាកីឡាករអាជីពទាំងស្មារតីហ្វឹកហាត់ និងការប្រឹងប្រែងបង្ហាញសមត្ថភាពក្នុងក្រុមជម្រើសជាតិ។
លោកមើលឃើញកីឡាករមកពីខេត្តកំពតរូបនេះ មានបេះដូងស្រលាញ់អ្នកគាំទ្រកម្ពុជា និងតែងចង់មកជួយក្រុមជម្រើសជាតិឲ្យមានការផ្លាស់ប្ដូរពីចំណុចទាបទៅចំណុចកំពូលមួយ។
លោកបានទាក់ទងទៅក្រុមគ្រូបង្វឹករបស់ វឌ្ឍនាកា នៅប្រទេសជប៉ុន លោកទទួលចម្លើយថា ខ្សែប្រយុទ្ធវ័យក្មេងរបស់កម្ពុជាមិនទាន់បានចូលលេង ប៉ុន្តែបានហ្វឹកហាត់យ៉ាងខ្លាំងទាំងព្រឹក និងល្ងាច ដែលបានធ្វើឲ្យសមត្ថភាពរបស់គេមានការកើនឡើង។
ក្រុមជម្រើសជាតិកម្ពុជា នឹងធ្វើការប្រមូលផ្ដុំថ្ងៃទី១ ខែមិថុនា ឆ្នាំ២០១៧ ដើម្បីត្រៀមការប្រកួតមិត្តភាពអន្តរជាតិរវាងកម្ពុជា និងឥណ្ឌូណេស៊ីថ្ងៃទី៨ ខែមិថុនា ឆ្នាំ២០១៧ នៅពហុកីឡដ្ឋានជាតិវេលាម៉ោង ៦:៣០ នាទីល្ងាច៕
ប្រភព៖ Sabay
រូបភាពចៃដន្យទាំង ១៩ សន្លឹកដែលយើងមិននឹកស្មានដល់
ជួនកាលរឿងចៃដន្យតែងតែកើតឡើងនៅជុំវិញខ្លួនយើង គ្រាន់តែពេលខ្លះយើងមិនបានចាប់អារម្មណ៍តែប៉ុណ្ណោះ ៕ ខាងក្រោមនេះជារូបភាពចំនួន ១៩ សន្លឹកដែលជាភាពចៃដន្យ...
0 comments:
Post a Comment