រុស្សីនិងកម្ពុជាសម្រេចថានឹងបង្កើតវិទ្យាស្ថានថាមពលនុយក្លេអ៊ែរនៅក្នុងសាលាតិចណូ ហើយគ្រោងនឹងបញ្ជូននិស្សិតកម្ពុជាទៅសិក្សាជំនាញនេះនៅរុស្សីថែមទៀតផង។នេះបើយោងតាមសេចក្តីប្រកាសពត៌មានរបស់ក្រសួងបរិស្ថាននាពេលថ្មីៗនេះ។
នៅក្នុងកិច្ចប្រជុំថ្ងៃទី១៩ខែមេសាឆ្នាំ២០១៧នេះរដ្ឋាភិបាលកម្ពុជាឯកឧត្តមទិនពន្លកអគ្គលេខាធិការក្រុមប្រឹក្សាជាតិអភិវឌ្ឍន៍ដោយចីរភាពនិងរដ្ឋាភិបាលរុស្សីបានសម្រេចព្រមព្រៀងបង្កើតវិទ្យាស្ថានថាមពលនុយក្លេអ៊ែរមួយនៅក្នុងសាលាតិចណូនៅពេលឆាប់ៗ។សាលាតិចណូនិងមានវិទ្យសា្ថនជំនាញនុយក្លែអ៊ែរដើម្បីធ្វើការបណ្តុះបណ្តាលនិស្សិតកម្ពុជាសម្រាប់ការអភិវឌ្ឍន៍ប្រទេសតាមរយៈការប្រើប្រាស់ថាមពលនុយក្លែអ៊ែរ។
នៅក្នុងវិទ្យស្ថាននេះ នឹងមានប្រធានបទសំខាន់ៗដូចជា ការផលិតអគ្គិសនីដោយប្រើថាមពលនុក្លេអ៊ែរ និងការប្រើប្រាស់បច្ចេកវិទ្យានុយក្លេអ៊ែរនៅក្នុងវិស័យនានាដូចជា វិស័យឧស្សហកម្ម កសិកម្ម និងវេជ្ជសាស្ត្រជាដើម។
បន្ថែមពីនេះទៀតរុស្សីនឹងផ្តល់អាហារូបករណ៍ដល់និស្សិតកម្ពុជាក្នុងការទៅសិក្សាស្រាវជ្រាវនៅប្រទេសរុស្ស៊ីទៀតផង។
លើសពីនេះរុស្ស៊ីនឹងជួយដល់កម្ពុជាក្នុងការកសាងសមត្ថភាពឈានទៅសង់រោងចក្រអគ្គិសនី ដើរដោយថាមពលនុយក្លេអ៊ែរដែលនឹងជួយដល់កម្ពុជាច្រើនក្នុងការកាត់បន្ថយលើការចំណាយលើថាមពល និងអាចជួយជម្រុញកំណើនសេដ្ឋកិច្ចកម្ពុជាបន្ថែមទៀត។
គួរជម្រាបផងដែរថា បច្ចុប្បន្នប្រទេសជាច្រើន នៅអាស៊ីអាគ្នេយ៍ កំពុងផ្តោតលើការស្រាវជ្រាវ និងដាក់ផែនការជំរុញការសាងសង់រោងចក្រនុយក្លេអ៊ែរនេះដែរ តួយ៉ាងដូចជាវៀតណាម និងហ្វីលីពីន ជាដើម៕
0 comments:
Post a Comment