បើតាមសម្តីរបស់ស្ត្រីឈ្មោះ វណ្ណ យឹប អាយុ៣២ឆ្នាំ បានប្រាប់ឱ្យដឹងថា នៅមុនពេលកើតហេតុស្ត្រីរងគ្រោះបានដើរទៅហៅប្ដីគាត់នៅកន្លែងដេកក្រោយមន្ទីរពេទ្យគន្ឋបុប្ផាស្រាប់ឃើញមិត្តភក្តិដែលជាជនអនាថាដូចគ្នាមានឈ្មោះ ស្រី ស ដើរកាត់កន្លែងរបស់ប្តីគាត់ដេកក៏មានចិត្តប្រចណ្ឌថា ប្ដីរបស់គាត់លួចស្រលាញ់គ្នាជាមួយ ស្រី ស អញ្ចឹងហើយបានជាប្តីមិនដែលទៅដេកជាមួយគាត់ធ្វើឲ្យស្ត្រីរងគ្រោះខឹងបានសំរេចចិត្តយកកូនកាំបិតសម្រាប់ទៅអារ.កសម្លាប់ខ្លួនឯងក្បែរកៅអីក្រោយមន្ទីរពេទ្យគន្ឋបុប្ផាហូរឈាមជោកខ្លួន ភ្លាមៗនោះប្ដីរត់ទៅដល់យកក្រណាត់មករុំ.កប្រពន្ធកុំឱ្យហូរឈាមខ្លាំងពេក មួយសន្ទុះក្រោយមកផ្អើលសមត្ថកិច្ចប៉ុស្តិ៍វត្តភ្នំចុះទៅដល់កន្លែងហេតុជួយហៅរថយន្តសង្គ្រោះរបស់មន្ទីរកាល់ម៉ែតដឹកយកទៅសង្គ្រោះភ្លាមៗផងដែរ ។
បើតាមសម្តីរបស់សមត្ថកិច្ចប៉ុស្តិ៍វត្តភ្នំបានប្រាប់ថា ពួកជនអនាថាទាំងនេះតែងតែនាំគ្នាមកដេកនៅក្រោយមន្ទីរពេទ្យគន្ឋបុប្ផាជារៀងរាល់ថ្ងៃ ហើយពួកគាត់ទាំងនោះមិនដឹងថា អ្នកណាស្រលាញ់គ្នាឱ្យប្រាកដទេ ព្រោះស្រែចតែពួកគាត់ចង់រស់នៅជាមួយអ្នកណាគឺនៅជាមួយអ្នកហ្នឹងតែម្តង ៕
ប្រភព៖ kohsantepheapdaily
0 comments:
Post a Comment