ក្រុមអ្នកវិទ្យាសាស្ត្រអន្តរជាតិមួយក្រុមបានធ្វើការស្រាវជ្រាវដល់រណ្តៅក្នុងបាតសមុទ្រដ៏ជ្រៅបំផុតក្នុងប្រទេសអូស្ត្រាលី បានរកឃើញត្រីគ្មានមុខ និង ពីងពាងចម្លែកមួយដែលមិនធ្លាប់មានពីមុនមកក្នុងជម្រៅរហូតដល់ទៅ ៦ គីឡូម៉ែត្រ ។
ក្រុមស្រាវជ្រាវនេះក៏បានរកឃើញនូវសត្វសមុទ្រផ្សេងៗជាច្រើនទៀតនៅក្នុងជម្រៅទឹកដ៏ជ្រៅបែបនេះ ។ ការធ្វើដំណើរស្រាវជ្រាវនេះត្រូវបានគេដាក់ឈ្មោះថា Sampling the Abyss ដឹកនាំស្រាវជ្រាវដោយសារមន្ទីរ Museums Victoria និង អង្គការ CSIRO (Commonwealth Scientific and Industrial Research Organization) ។
មនុស្សរាល់គ្នាពិតជាមានការភ្ញាក់ផ្អើលពេលបានឃើញត្រីគ្មានមុខ និង ពីងពាងប្រភេទនេះ ។ ចំណែកអ្នកវិទ្យាសាស្ត្រវិញបានលើកឡើងថា វាពិតជាដូចទៅនឹងអ្វីដែលគេបានកត់ត្រានៅក្នុងសៀវភៅវិទ្យាសាស្ត្រចាស់ៗតាំងពីសម័យបុរាណមកហើយវាពិតជាមានពិតមែន ។
ពូជសត្វទាំងនោះ គឺជាពូជសត្វដ៏កម្រ និង មិនធ្លាប់ឃើញពីមុននោះទេ ។ គួរបញ្ជាក់ថា អស់រយៈពេលជាង ១០០ ឆ្នាំមកហើយនៅក្នុងដែនទឹកក្នុងប្រទេសអូស្ត្រាលី ដែលគេមិនបានស្រាវជ្រាវជាថ្មីតាមពិតទៅគេបានចងក្រងនូវសត្វសមុទ្រប្លែកៗជាច្រើននៅម្តុំដែនសមុទ្រ Coral Sea នៃឆ្នេរក្នុងប្រទេសនេះ កាលពីឆ្នាំ ១៨៧៤ ម្តងដែរ ដោយនាវាស្រាវជ្រាវធំមួយឈ្មោះ HMS Challenger ។
ហើយការរកឃើញនូវសត្វសមុទ្រដ៏ចម្លែកថ្មីៗនេះ គឺដោយសារបច្ចេកវិជ្ជាមានការរីកចម្រើនជាងមុនក្នុងការរុករកស្រាវជ្រាវឱ្យបានជ្រៅដល់បាតសមុទ្រក្នុងជម្រៅបែបនេះ ៕
ប្រភព៖ ប្រជាប្រិយ
រូបភាពចៃដន្យទាំង ១៩ សន្លឹកដែលយើងមិននឹកស្មានដល់
ជួនកាលរឿងចៃដន្យតែងតែកើតឡើងនៅជុំវិញខ្លួនយើង គ្រាន់តែពេលខ្លះយើងមិនបានចាប់អារម្មណ៍តែប៉ុណ្ណោះ ៕ ខាងក្រោមនេះជារូបភាពចំនួន ១៩ សន្លឹកដែលជាភាពចៃដន្យ...
0 comments:
Post a Comment