ដំណឹងល្អសម្រាប់ហ្វេនឈីងចាំងពីពត៏មានមិនពិតដែលផ្សព្វផ្សាយកន្លងមក

ក្មេងៗដែលកើតចាប់ពីឆ្នាំ១៩៩០ ភាគតិចណាស់ដែលមិនស្គាល់ឈីងចាំង។ ម្នាក់ៗសុទ្ធតែធំឡើងនិងរីករាយជាមួយគំនូរជីវចលមួយនេះ រហូតមកដល់សព្វថ្ងៃបើទោះជាអ្នកខ្លះធំហើយអាយុក្បែរ៣០ហើយក៏នៅតែមើលឈីងចាំងម្ដងម្កាលដែរ។ដូចដែលគ្រប់គ្នាបានដឹង ឈីងចាំងជាតួអង្គកូនក្មេងរបស់ជប៉ុនដែលក្លាយជាភាគតុក្តតាដែលល្បីបំផុតទូទាំងពិភពលោក ដោយមានបកប្រែជាង៣០ភាសា( ប្រហែលមិនទាន់បូកភាសាខ្មែរមួយផងទេ)។ប៉ុន្តែកាលពីឆ្នាំមុនអ្នកប្រើប្រាស់បណ្តាញសង្គមទាំងនៅខ្មែរឬបណ្ដាប្រទេសដទៃទៀតពិតជាខ្លោចចិត្ត ពេលលឺពត៏មានថាពីតុក្តតាសំណប់ចិត្តរបស់គេ។

សូមរំលឹកពត៏មានដែលល្បីកាលនោះ៖ មានការចុះផ្សាយពីប្រវិត្តរបស់ឈីងចាំងថាជាតួអង្គពិត ដែលអ្នកនិពន្ធជាម្តាយរបស់ឈីងចាំងផ្ទាល់(មិសាអិ) អ្នកស្រីមិសាអិនិពន្ធរឿងនេះឡើងបន្ទាប់ពីកូនរបស់គាត់ឈីណូស៊ីកិបានបាត់បង់ជីវិតនៅពេលជួយប្អូនស្រីរបស់ខ្លួនហើយក៏ត្រូវឡានបុក។ ដោយសារតែបែបនេះទើបអ្នកស្រីគូររូបនេះនិយាយពីជីវិតពិត ព្រមទាំងភាគបញ្ចប់នៃរឿងគឺត្រឹមដែលឈីងចាំងនិងប្អូនស្រីរបស់គេស្លាប់។ភាគចុងក្រោយនេះក៏មានវីដេអូនៅក្នុងយូធូបផងដែរ។

ប៉ុន្តែវាមិនមែនការពិតនោះទេ វាជាពត៏មានប្រឌិតទាំងស្រុង សូម្បីវីដេអូនៃភាគចុងក្រោយដែលឈីងចាំងស្លាប់នោះ ក៏មិនមែនជាវីដេអូពិតដែរ វាកើតចេញពីអ្នកណាម្នាក់ធ្វើវាឡើងតែប៉ុណ្ណោះ។ការពិតនោះគឺរឿងឈីងចាំងនិពន្ធឡើងនៅឆ្នាំ១៩៩០ដោយអ្នកនិពន្ធឈ្មោះ យូស៊ីតុ យូហ្ស៊ីដែលពីដំបូងវាជាគំនូរMangaប៉ុណ្ណោះដែលបោះពុម្ពសម្រាប់ទស្សនាវដ្តីនៅប្រទេសជប៉ុន ក្រោយមកក៏ត្រូវបានផលិតជាខ្សែរគំនូរជីវចលនៅឆ្នាំ១៩៩២ និងចាក់ផ្សាយនៅលើប៉ុស្ត៍Asahiរបស់ជប៉ុន។

នៅឆ្នាំ២០០៩ អ្នកសរសេររឿងនេះបានស្លាប់ដោយសារតែគ្រោះថ្នាក់ធ្លាក់ពីលើភ្នំ ប៉ុន្តែភាគចុងក្រោយដែលគាត់សរសេរបានចាក់ផ្សាយនៅខែកុម្ភៈ ឆ្នាំ២០១០ ដែលសរុបមាន៩២០ភាគ វែងជាងរឿងណាទាំងអស់ ហើយវានៅតែពេញនិយមនិងជាប់ជារឿងតុត្តកាដែលពេញនិយមបំផុតក្នុងលោកទៀតផង។ បញ្ជាក់ម្ដងទៀតថាឈីងចាំងមិនស្លាប់ដូចដែលការចុះផ្សាយពីមុនមកនោះទេ។

សូម្បីតែនៅឆ្នាំ២០១២ ស្ទីឌីយ៉ូUYដែលទទួលសិទ្ធផលិតរឿងនេះបានបញ្ជាក់ប្រាប់អ្នកគាំទ្រទូទាំងពិភពលោកថាពួកគេនឹងនៅតែបន្តរឿងមួយនេះ បើទោះជាអ្នកនិពន្ធដើមបានបាត់បង់ជីវិតហើយក្ដី ក៏ពួកគេនឹងប្រឹងសរសេរភាគបន្ដ ដរាបណាអ្នកគូរគំនូរនិងអ្នកបញ្ចូលសម្លេងរឿងតុត្តកាមួយនេះនៅតែមានជីវិត។ អ្វីដែលពួកគេចង់បញ្ជាក់នោះគឺ បើការគាំទ្រនៅតែមានឈីងចាំងនឹងក្លាយជាខ្សែរគំនូរជីវចលដែលគ្មានភាពបញ្ចប់ ដើម្បីអោយក្មេងៗគ្រប់រូបបានធំឡើងជាមួយរឿងមួយនេះ ព្រមទាំងសម្រាប់មនុស្សធំដែលតែងតែគាំទ្ររឿងនេះផងដែរ។