លោក Zinedine Zidane ថា " Ronaldo ជាកីឡាករដ៏អស្ចារ្យ"

គ្រូបង្វឹករបស់ក្លឹបសេ្តចស Real Madrid គឺ លោក Zinedine Zidane បានពណ៌នាអំពី Cristiano Ronaldo ថាជាកីឡាករដ៏អស្ចារ្យ បន្ទាប់ពីរូបគេបានបង្កើតកំណត់ត្រាថ្មី ពេលលេងទល់នឹង Bayern Munich។

Ronaldo បានក្លាយជាកីឡាករដំបូងគេបង្អស់ ដែលអាចរកគ្រាប់បាល់បាន ១០០គ្រាប់ ក្នុងពានរង្វាន់ UEFA Champion League នៅក្នុងជ័យជម្នះ ២ទល់នឹង១ ជាមួយនឹង Bayern Munich។

លោក Zidane បាននិយាយថា “ពួកយើងត្រូវតែរីករាយ។ ខ្ញុំពិតជាសប្បាយចិត្ត សម្រាប់កំណត់ត្រាមួយនេះ ហើយ Ronaldo តែងតែចង់ក្លាយជាកីឡាករឈានមុខគេ។
 

វាពិតជាអស្ចារ្យណាស់ ដែលអាចរកគ្រាប់បាល់បាន ១០០គ្រាប់ នៅអឺរ៉ុប ពីព្រោះមានកីឡាករតិចបំផុត ដែលនឹងអាចធ្វើវាបាន។ គាត់កំពុងតែលេងបានល្អមែនទែន នៅចុងរដូវកាលនេះ៕”