កាលពីជើងទីមួយនៅទឹកដីអាល្លឺម៉ង់ក្រុមការពារតំណែងជើងឯកទ្វីបអឺរ៉ុបមួយនេះបានយកឈ្នះ Bayern ២-១ តែយប់មិញ Bayern បានយកឈ្នះ ២-១ វិញត្រឹមម៉ោង៩០នាទី។ គ្រាប់បាល់ទីមួយកើតឡើងនៅនាទី៥៣ជាការទាត់បញ្ចូលទីរបស់ Robert Lewandowski ប៉ុន្តែ Ronaldo បានតែតតាមស្មើបានវិញនាទី៧៦។
រំលងបាន២នាទី Sergio Ramos ភ្លាត់ស្នៀតទាត់ចូលទីខ្លួនឯងធ្វើឲ្យក្រុមលោក Carlos Ancelotti មានគ្រាប់បាល់នាំមុខសារជាថ្មី។ យ៉ាងណាក៏ដោយ នាទី៨៤ Bayern សល់គ្នាត្រឹម១០នាក់ប៉ុណ្ណោះដោយសារ Arturo Vidal ត្រូវពិន័យកាតក្រហម បណ្តេញចេញពីការប្រកួត។
បន្ទាប់ពីបាត់បង់សមាជិកម្នាក់ Bayern រងការវាយសម្រុកយ៉ាងខ្លាំងហើយត្រូវ Real ដាក់៣គ្រាប់បន្ថែមដោយ Ronaldo ២គ្រាប់ (នាទី១០៥,១១០) និង Marco Asensio ១១២។ ចប់ការប្រកួត Real Madrid យកឈ្នះ Bayern Munich ទាំងពីរជើង ៦-៣។ មួយគូទៀត Atletico Madrid ក៏ឈានទៅវគ្គបន្តដែរ ក្រោយ ស្មើ Leicester City ១-១ សរុបទាំងពីរជើងឈ្នះ ២-១៕
0 comments:
Post a Comment