អតីតប្រធានក្រុម Evertonកីឡាករ Phil Neville ជឿជាក់ថា Romelu Lukaku នឹងអាចរៀនអភិវឌ្ឍន៍ខ្លួនបានល្អនៅ Manchester United ដើម្បីជំនួសតំណែង Zlatan Ibrahimovic ដែលចាកចេញ។
Lukaku កាន់តែខិតជិតបានធ្វើការជាមួយលោក Jose Mourinho ម្ដងទៀត បន្ទាប់ពីមានសេចក្ដីរាយការណ៍ថា United បានព្រមព្រៀងតម្លៃ៧៥លានផោនជាមួយ Everton លើកីឡាករបែលហ្សិកវ័យ២៤ឆ្នាំ។
Neville ដែលចំណាយពេល៨រដូវកាលនៅជាមួយ Everton បានគិតថា ភាពក្មេងវ័យនិងការពង្រឹងសមត្ថភាពរបស់ Lukaku អាចជួយ United ក្លាយជាក្រុមកាន់តែគ្រោះថ្នាក់ពេលដែលផ្ទេរមក បន្ទាប់ពី Ibrahimovic ចាកចេញ។ "ខ្ញុំគិតថាអ្នកអាចឃើញការអភិវឌ្ឍន៍របស់គេ។ ខ្ញុំគិតថាមានការរិះគន់មួយចំនួន ដោយចោទជាសំនួរថា Lukaku អាចលេងប្រកួតធំបានឬអត់? អាចទាត់បញ្ជូលទីការប្រកួតធំបានឬអត់? ប៉ុន្តែគេបានបង្ហាញលេចធ្លោកាលពីរដូវកាលមុន"។ Neville និយាយក្នុងកម្មវិធី Radio Five Live របស់ BBC។
រំឭកថា កាលនៅដឹកនាំ Chelsea លោក Jose Mourinho ធ្លាប់លក់ Lukaku ទៅឲ្យ Everton កាលពីឆ្នាំ២០១៤។ Lukaku បានក្លាយជាអ្នកទាត់បញ្ចូលទីច្រើនជាងគេទី២មាន២៥គ្រាប់ បន្ទាប់ពីHarry Kane នៅ Premier League រដូវកាលមុន៕
ប្រភព៖ sabay
រូបភាពចៃដន្យទាំង ១៩ សន្លឹកដែលយើងមិននឹកស្មានដល់
ជួនកាលរឿងចៃដន្យតែងតែកើតឡើងនៅជុំវិញខ្លួនយើង គ្រាន់តែពេលខ្លះយើងមិនបានចាប់អារម្មណ៍តែប៉ុណ្ណោះ ៕ ខាងក្រោមនេះជារូបភាពចំនួន ១៩ សន្លឹកដែលជាភាពចៃដន្យ...
0 comments:
Post a Comment