ពួកឧទ្ទាមគាំទ្រ ISIS កាត់ក្បាលមេប៉ូលិសហ្វីលីពីន នៅភាគខាងត្បូង នេះបើតាមសម្តីលោក ឌូតឺតេ ពេលមកដល់ស្រុកកំណើតភ្លាមៗ
តាមការចេញផ្សាយនៅមុននេះបន្តិច ដោយបណ្តាញព័ត៌មានហ្វីលីពីន នារសៀលថ្ងៃពុធ ទី២៤ ខែឧសភា ឆ្នាំ២០១៧ បន្ទាប់ពីមកដល់ដែនដីកំណើតវិញភ្លាមៗប្រធានាធិបតី លោក រ៉ូឌ្រីហ្គោ ឌូតឺតេ បានថ្លែងថា ពួកឧទ្ទាមដែលមានទំនោរគាំទ្រក្រុម ISIS ស្ថិតនៅភាគខាងត្បូងហ្វីលីពីន បានកាត់ក្បាលមេប៉ូលិសហ្វីលីពីនហើយលោកក៏បានព្រមានបន្ថែមទៀតថា ច្បាប់អាជ្ញាសឹក នឹងត្រូវដាក់បន្ថែមនៅតំបន់មួយចំនួនទៀតនៅក្នុងប្រទេសដីកោះមួយនេះ ។
លោក រ៉ូឌ្រីហ្គោ ឌូតឺតេ បានបញ្ចប់ដំណើរទស្សនកិច្ចនៅរុស្ស៊ីមុនពេលកំណត់ ហើយបានដាក់កោះមិនដាណាវនៅក្រោមច្បាប់អាជ្ញាសឹក កាលពីថ្ងៃអង្គារទី២៣ ឧសភា បន្ទាប់ពីការវាយប្រយុទ្ធគ្នាដ៏ខ្លាំងបានកើតឡើងនៅអំឡុងពេលការឆ្មក់វាយប្រហារដោយកងទ័ពនៅកន្លែងលាក់ខ្លួនមួយកន្លែងរបស់ក្រុមជនសកម្មប្រយុទ្ធដែលមានទំនាក់ទំនងជាមួយក្រុមរដ្ឋអ៊ីស្លាម។ លោក រ៉ូឌ្រីហ្គោ ឌូតឺតេ បាននិយាយនៅក្នុងបទសម្ភាសន៍មួយ ខណៈដែលធ្វើដំណើរត្រឡប់ទៅទីក្រុងម៉ានីលវិញថា “សម្រាប់ជនរួមជាតិរបស់ខ្ញុំ ដែលធ្លាប់បានឆ្លងកាត់ច្បាប់អាជ្ញាសឹកនោះ វាមិនមានខុសគ្នាពីអ្វីដែលប្រធានាធិបតីហ្វីលីពីន លោក ម៉ាកូស បានធ្វើនោះទេ ។ ខ្ញុំនឹងជាមនុស្សកំណាចឃោរឃៅ”។
លោក រ៉ូឌ្រីហ្គោ ឌូតឺតេ បាននិយាយថា “វាអាចចំណាយពេលមួយឆ្នាំដើម្បីធ្វើរឿងនេះ (ច្បាប់អាជ្ញាសឹក)ប៉ុន្តែបើសិនវាចប់ត្រឹមតែរយៈពេលមួយខែនោះ ខ្ញុំនឹងសប្បាយចិត្ត។ សម្រាប់ជនរួមជាតិរបស់ខ្ញុំនោះ មិនត្រូវភ័យខ្លាចពេកទេ”។
ទាហាន២នាក់ និង ប៉ូលិសម្នាក់ ត្រូវបានសម្លាប់និងមនុស្សចំនួន១២នាក់ បានរងរបួសបន្ទាប់ពីមានភាពវឹកវរនៅទីក្រុងម៉ារ៉ាវី នៅកោះមិនដាណាវ កាលពីថ្ងៃអង្គារ ជាទីដែលសមាជិកច្រើននាក់របស់ក្រុមជនសកម្មប្រយុទ្ធមូតេ (Maute) បានចូលកាន់កាប់អគារជាច្រើន និងបានដុតសាលារៀនមួយ ព្រះវិហារគ្រឹស្តសាសានាមួយ និង មណ្ឌលឃុំឃាំងមួយ ៕
រូបភាពចៃដន្យទាំង ១៩ សន្លឹកដែលយើងមិននឹកស្មានដល់
ជួនកាលរឿងចៃដន្យតែងតែកើតឡើងនៅជុំវិញខ្លួនយើង គ្រាន់តែពេលខ្លះយើងមិនបានចាប់អារម្មណ៍តែប៉ុណ្ណោះ ៕ ខាងក្រោមនេះជារូបភាពចំនួន ១៩ សន្លឹកដែលជាភាពចៃដន្យ...
0 comments:
Post a Comment